श्रीवर्षिणी

श्रीवर्षिणी

Śrīvarṣiṇī V P (Sree Varshini V P)


मीनावासोदितेशेन   मीनरूपकृपेच्छया।  
मीनजालविमुक्तस्सः   मीनश्चरति   रोदसि॥  
अन्वयः
मीनस्य आवासात् उदितायाः ईशेन मीनरूपस्य कृपेच्छया मीनजालात् विमुक्तः सः मीनः रोदसि चरति।


विमोचकं   व्यथाकालात्   संसारजालपीडनात्।  
जलौघपापभारात्   च   कृष्णवेणुकलं   भजे॥  
अन्वयः
I mediate (भजे) on the sweet soft sound of Kṛṣna’s flute (कृष्णवेणुकलं) which is the liberator (विमोचकं) from times of agony, (व्यथाकालात्) from the distress of the worldly entanglement, संसारजालपीडनात्। and from the weight of flowing/flooding sins (जलौघपापभारात् च).


भक्तः   यया   पराशक्त्या  
परा   भूति:   सतां   भवेत्।  
प्राप्नोति   यदि   गर्वस्य  
पराभूतिः   स   तां   भवेत्॥  
अन्वयः


कल्याणलीलाशुचिभिस्सुयुक्तां   मध्वारिशोभे!   हृदि   मे   रमस्व।  
लालित्यसौम्यौ   हरये   ददाति   क्षीरादुदेति   स्थिरदा   भजे   श्रीम्॥  
अन्वयः
धेयम्! उपरि दर्शितः पदच्छेदो यन्त्रसाधितत्वाद् अशुद्धो भवितुम् अर्हति। अन्वयोऽयमेव शुद्धः। मध्वारिशोभे! हृदि मे रमस्व | क्षीरात् स्थिरदा उदेति लालित्यसौम्यौ हरये च ददाति ।कल्याणलीलाशुचिभिस्सुयुक्तां श्रीम् भजे।


मध्ये   विषादे   शरणैक   देव  
वार्ष्णेय   पञ्चापरपाणवानाम्  
चारित्रवान्द्वे   नयने   ददासि  
यत्नैकनेतर्मनसा   भजे   त्वाम्॥  
अन्वयः
पञ्चापरपाणवानाम् - पञ्च-सङ्ख्याकाः अपराः (नास्ति परो येभ्यः) पाण्डवाः। यत्नैकनेतः - यत्नानाम् एको नेता, सम्बोधनम्


यो   देवकीसुतः   श्यामः   चतुर्भुजाद्भुतश्शिशुः।  
खिन्नेषु   जातमाश्वासम्   जननं   तस्य   सम्भजे॥१॥  
नवनीतविलिप्ताङ्गो   गोपीहृदयपूरकः।  
यो   लौक्यबन्धुतस्करः   चोरणं   तस्य   सम्भजे॥२॥  
वल्लभं   रासलीलायां   कालीयताण्डवाजितः।  
नर्तको   हृदये   नो   यो   नर्तनं   तस्य   सम्भजे॥३॥  
गोवर्धनाचलोद्धाता   गोपानां   रूपधारकः।  
प्रणतस्नेहधारी   यो   धारणं   तस्य   सम्भजे॥४॥  
कंसान्तको   मुरारिर्यो   नरकासुरमर्दक:।  
योगरोधनदर्पघ्नः   घातनं   तस्य   सम्भजे॥५॥  
चैद्यपापापसारी   यः   श्रीरुक्मिण्यपहारकः।  
विमोचकः   परादुःखे   हारणं   तस्य   सम्भजे॥६॥  
दूतकः   पाण्डवेभ्यो   यः   सम्पन्नद्वारकागतः।  
शुद्धप्रेमानुगन्ता   सद्   गमनं   तस्य   सम्भजे॥७॥  
प्रज्ञाता   पार्थसम्मोहे   पुनर्गीताददाच्च   नौ।  
परमहितवक्ता   यो   वचनं   तस्य   सम्भजे॥८॥  
श्रीवल्लभमनोज्ञा   यो   लीला   भक्त्या   भजेत्सदा।  
कृष्णे   स्थित्वा   प्रसन्नात्मा   परात्परं   प्रपद्यते॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


पद्मानन   स्मरणमेव   विशेषणं   ते   पार्श्वे   च   ते   शुभविदर्भजतोयजाक्षी।  
त्वं   पाहि   मां   कुवलयाङ्ग   सुभासहास   हे   श्रीध   ते   सुजलजं   शरणं   प्रपद्ये॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


यमुनादिनदीभिर्या   हिमालयादि   पर्वतैः   साहित्यैर्भूषिता,   देवीं   वन्दे   भारतमातरम्॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


लंकापतिं   दुष्टदशाननं   यो   ऽबोधेन   संयुक्तमनीकसज्जम्।  
एकायुधेनापि   महादिशेषः   स   भूमिजेशोऽजयदन्तिमे   तम्॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


श्रीनिकेताय   यद्गोप्या  
नित्यभक्त्या   कृतं   ननु।  
केवलमपि   तत्स्वर्गे  
तक्रं   शक्रस्य   दुर्लभम्॥  
अन्वयः
श्रीनिकेताय गोप्या नित्यभक्त्या यद् कृतं, तद् तक्रं केवलम् स्वर्गे ननु शक्रस्य अपि दुर्लभम्। चित्रकाव्यम् - श्री नि के त इत्येतानि पादानां प्रथमाक्षराणि।


मिथुनेऽथ   शुभे   मासे   सप्ताश्ववाहकः   स्थितः।  
परक्रान्त्यां   स   नः   कुर्याद्   दक्षिणं   दक्षिणायने॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


श्रीरामो   बलवानन्तगुणवान्नस्त्रातुमत्रागतो   नानाशस्त्रवशीकृतोऽतिनिपुणो   भूपालशिष्योत्तमः।  
शत्रूणाममरोऽर्बुदानि   हतवानेकः   समर्थो   विभु   स्त्वं   सर्वाद्भुतयुद्धजेतृसुगुणान्भद्रं   च   देहि   प्रभो॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।


तुष्यन्ति   लोका   इव   लब्धसोमाः   सुरा   जयन्त्यां   भरताग्रजस्य।  
यो   जानकीप्राण   उदारराजा   तं   रावणारिं   शिरसा   नमामि॥  
अन्वयः
धेयम्! पदच्छेदो यन्त्रसाधितत्वाद् अशुद्धो भवितुम् अर्हति।